الشعب المصري بيدور علي الشعب المصري عشان ينقذه ، وحجة البليد جمع التوقيعات ، ومن عاش بالشرف مات بالقرف ، وودنك منين يا جحا
معلش كلامي مش حيعجب حد ، بل علي العكس سيكون المهاجمين لي كثيرين ، وبقولهم سامحوني مش بمزاجي لان والدي صمم علي ان اكون رجل محترم واقول للاعور انت اعور في عينك واقول للسيسي انت سيسي ولم يعلمني القواده ولا المحلسه ولا تلميع الجزم وطبعا بدفع ثمن ده غالي جدا ليس الان فقط ولكن من زمن طويل لانه من عاش بالشرف مات بالقرف
اما عجب العجاب انني يصلني يوميا مئات الاتصالات من المصريين بالداخل والخارج ولا تخلو مكالمه واحده من عبارة ( هوه الشعب ساكت ليه ) وطبعا لا املك الا الضحك واجاوب علي سؤالهم بسؤال ابسط ( هوه حضرتك من الشعب المصري ولا من شعب تاني ؟ ) ما سيادتك الشعب المصري ، وعاديك بعد مهاترات طويله يكتشف المتصل انه الشعب المصري بس مش واخد باله ، والمشكله ان محدش قاله قبل كده انه هوه الشعب المصري.
المصيبه الكبري تكون في الناس اللي بتخدها الجلاله حبتين وبيكون سخن شويه وبيشتم في الشعب المصري لانه ساكت علي اللي بيحصل ومبيتحركش وبعد كده بيكتشف ان شتم نفسه
اما عن الذين يضيعون وقتهم في جمع التوقيعات مره للبرادعي ومره لسيادة الفريق اول عبد الفتاح سعيد حسين خليل وزير الدفاع لادارة البلاد، ومره لحملة تمرد ، بقولهم كلمه واحده ( حجة العاجز البليد جمع التوكيلات والتوقيعات ) وطبعا مش حخلص من النقد ويمكن الشتيمة لكن الله يسامحه ابويا هوه اللي رباني علي الصراحه
وببساطة شديدة ساجيب ببعض الاسئلة المنطقية وعليكم الاجابة بانفسكم ان كنتم تملكون شجاعة مصارحة النفس
اين ذهبت توكيلات البرادعي ؟
واين ذهبت توكيلات الفريق اول عبد الفتاح سعيد حسن خليل وزير الدفاع لادارة شئون البلاد ؟
ارجوا تحديد الجهة التنفيذية التي سيتم توجيه توقيعات حملة تمرد لها علي وجه التحديد لكي تنفذها
يا اخونا ببساطه شديده ان حكم المحكمة ذاته من غير قوة جبرية تقوم بتنفيذه علي المحكوم عليه؟
فيكون الحكم لا يساوي بصله اذا لم يتم تنفيذه ؟
ولمن سيتم توجيه تلك التوقيعات لخلع مرسي وجماعته ؟
هل سيتم توجيهها للنائب العام الاخواني لتنفيذها ؟
هل سيتم توجيها لمحمد ابراهيم وزير الداخليه الاخواني لتنفيذها ؟
هل سيتم توجيه التوكيلات والتوقيعات لسيادة الفريق اول عبد الفتاح سعيد حسين خليل وزير الدفاع لتنفيذها بعد ما قال لكم مليش دعوه وانسوني ؟
هل سيتم توجيهها لباراك حسين اوباما لتنفيذها ؟
هل سيتم توجيهها للناتو لتنفيذها ؟
ولا يكونش قصدكم انكم عاوزين تجمعوا التوقيعات بتاعة تمرد من الشعب المصري عشان تقدموها للشعب المصري عشان ينفذها بنفسه !!!!؟؟؟؟؟ فعلا ودنك منين يا جحا
للاسف من دعي لجمع توقيعات تمرد لا يعرف ماذا سيفعل بها لانه سيضطر في الاخر لبيعها لبياعين الترمس والبطاطا او حيبلها ويشرب ميتها .
انقدوني اشتموني لكن كلكوا عارفين ان ما اقوله هو الحقيقة واني مبكدبش عليكم ولا بجاملكم ولا عمري حجاملكم وطول عمري حقول للاعور انت اعور في عينك وحقول للسيسي انت سيسي
ولا يمكن مهما حصل حقول للاعور انت مفتح او لون عنيك حلوه ولا عمري حقول للسيسي انت اسد واللي يزعل من الحق يشرب م البحر ، واللي ليه حاجه عندي ييجي يخدها .
وطبعا الكل يبحث عن ما هو الحل
والحل بسيط وكلكوا عارفينه لكن مش حيتم الا بعد ما كل واحد يكتشف انه هوه الشعب المصري ، وان طريق تحرير مصر هوه القوة ووقتها فقط انا جاهز وتليفوني ما يتوهش وللتذكره
ت ٠٠١٨٣١٨٠٩٣٩٩٤
سكايب AFIFIOMAR3
ملحوظه لن يتم الرد علي اي حد لسه مكتشفش انه هوه الشعب المصري وجاهز لتحرير مصر
الله يرحمك يا حاج عفيفي فعلا من عاش بالشرف مات بالقرف
ابن الحاج عفيفي
العقيد عمر واحد اكتشف من زمان قوي انه من الشعب المصري
يسلم فمك .. ولسه ... خليهم فى الهبل اللى هما فيه
كل ما ذكرته معلوم لدى أكثر الذين وقعوا على الوثيقة ويعلمون تمام العلم أنها ليست ذات أثر قانوني ولكنهم وقعوا من قبيل التعبير عن الرأي وهدم زعم الخوان بأنهم يملكون الشارع
معاك حق
جمع التوقيعات الرافضه لحكم مرسي والاخوان الهدف منها انه يوجد بمصر قاعده عريضه بالملايين وتتعدى ال13 مليون اللى انتخبوا مرسي
وهذه القاعده تؤيد خلع مرسي ونظام الاخوان واجراء انتخابات رئاسيه مبكره فى ظل حكومة تكنوقراط غير تابعه لاى احزاب سياسيه
ودائما نجاح ثورات المدنيين فى سلميتها وحملة تمرد قاعدة لثورة اسقاط نظام الاخوان الفاشل
حتي لو ممنهاش اي فايدة كفاية انها توعية للشعب الغلبان ومن غير زيت ولا سكر ثانياً لو تفتكر ان الطاغية مبارك اول حاجة تهزة كانت توكيلات البرادعي
كلام صح ميه ميه