مبارك فى تسجيلات صوتية: تنحيت لأحافظ على أرواح الناس ..ومرسى بيتفسح
قال الرئيس السابق حسنى مبارك إنه كان بمقدوره الاستمرار فى الحكم فى فبراير 2011 ، لكنه تنحى حفاظا على أرواح الناس ، حسب قوله ، مشيرا إلى أنه لم يقم بإقالة المشير طنطاوى خلال أيام الثورة ، حتى لا يظن بعض الناس أنه رفض تنفيذ الأوامر بضرب الناس بالسلاح ، ومن ثم يتحول إلى بطل قومى
وأضاف مبارك فى تسجيلات صوتية أعلنت عن الانفراد بها الزميلة الوطن ، الأمور دى الواحد لازم يزوزنها صح" ، مؤكدا أن الجيش المصرى بخير ، فيه أبطال وتابع ، ولادنا زى الفل ، عندهم أسلحة متطورة ، واحنا اشتغلنا على ده كتير ، جبنا لهم أحدث الأسلحة وكان الأمريكان بيلاعبونا ، واحنا لاعبناهم كتير ، لأن مفيش أغلى من الجيش فى مصر
وعن حالة الضيق والمظاهرات من أداء الإخوان ، قال مبارك " همه اللى اختاروهم" ، معقبا على أداء مرسى والإخوان ،بقوله " أهو بيتفسح"
وعن ملابسات وفاة اللواء عمر سليمان ، نفى الرئيس السابق ، أن يكون مات مقتولا ، مضيفا ، عمر كان مريضا ، كانت عنده مشكلة خطيرة فى القلب ، الله يرحمه
، وعن احتمالات استمرار الإخوان فى الحكم ، قال مبارك " والله مش عارف
وقال مبارك ، فى التسجيلات التى أعلنت عنها الزميلة الوطن ، والله بعد موت حفيدى كنت عايز أتنحى ، كنت عايز أمشى ، هما دلوقتى عايزين يبهدلونى ، من المستشفى للسجن للمحكمة ، فاكرين إنهم بيذلونى، لأ أنا ف حياتى شفت أكتر من كدة بكتير ، حاربت ، وإحنا فى الجيش بنتعب كتير فى حياتنا، واتعودنا على الشقا، أنا ببساطة الآن عايش ومش خايف ، ربنا هو العالم بكل شيء
وتناول الرئيس السابق حسنى مبارك طبيعة الخلاف مع المشير أبو غزالة ، بحسب التسجيلات ، وقال إن أبو غزالة وافق على طلب الأمريكان بمنحهم قاعدة عسكرية فى مصر ، وقالى لى ذلك فقلت له إنت مين عشان توافق ، الأرض مش ملكك ولا ملكى
ويواصل الرئيس السابق ، الأمريكان كانوا عايزين يعملوا لنا شبكة إلكترونية للقوات المسلحة، طبعا عشان الشاشة تكون فى أمريكا وإسرائيل ، فقلت لوزير الدفاع زحلقهم ، مفيش حاجة من دى هتحصل، رجعوا تانى وكانوا عايزين يوصلوا كل سنترالات القاهرة بسنترال رمسيس ، واتفقوا مع وزير الاتصالات ، وعرفت الموضوع من القوات المسلحة ، وعرفت إن هذا المشروع معناه إن الأمريكان يقدروا يصيبوا الاتصالات فى مصر كلها بالشلل ، يعنى لما يتوقف سنترال رمسيس تتوقف كل الاتصالات، وجبت وزير الاتصالات وقلت له إن كدة معناه إن أى مكالمة لازم تعدى عل سنترال رمسيس؟ فقال لى الوزير إن الأمريكان هيعملوا ده ببلاش ، فقلت له إوعى توافق ، فأجاب هما وصلوا سنترال الجيزة ، قلت له كفاية الجيزة وزحلقهم بهدوء ، وفعلا زحلقناهم
وتابع مبارك ، فى 2006 أو 2007 جاء الأمريكان وطلبوا تردد FM للقاهرة الكبرى وذهبوا لوزير الإعلام فقال لهم إن القانون لا يسمح ، فجاءنى السفير الأمريكى وكرر طلبه وقال إنهم حاجزين 270 مليون دولار من المعونة بسبب الموضوع ده ، فقلت له خليهم عندكو ، خليهم متجمدين أحسن
اخيرا بدات الاشاعات والحرب الرخيصة اخير نحاول اظهار القاتل الى ضحية مسرحية وتمثيلة رخيص للم شمل الاعداء اسفين ياريس مع ابريل مع المحمضيين مع البرادعة كله ايد وحدة ضضد شرعية الصندوق وسلملى على الديمقراظية
من حسني مبارك لمرسي ملعون.. كله غم و قرف.. اتخنقنا بقى.. ملعون ابو كرسي الحكم.
الخبر كاذب
اية اللى عملة مرسى لمصر والمصريين من يوم ما تولى الحكم حتى الان لو عمل حاجة واحدة انا هوافق علية
مبارك حرامي ومرسي عبيط
عارفين يا جماعه ايه المشكله الحقيقيه ال صعب نلقى ليها حل عدم حبنا لبعض احنا فقدنا الاحساس ده من زمااااان وعبنا بندور ال الغلط فين وعند مين واحنا مليانين انانيه وبس مرسى كسب بطريقه التكاتف هو وعشرته اما حسنى خسر كل حاجه ال حياته ربنا سبهالو عشان يرريلو بعينه كل شى ... يا جماعه لو فعلا الناس بتخاف على بعض بجد زى زمان ايام جدى وجدك مكنش حد لعب بينا الكره ومكنش ده حلنا